Kaitohutohu Rautaki Kōrero Mātāmua / Principal Communications Advisor
Te Taura Whiri i te Reo Māori
He kōrero mō mātou
Ko te mahi a te Taura Whiri i te Reo Māori (Te Taura Whiri) he whakataunoa, he whakarauora hoki i te reo Māori. E whakaū ana mātou i te reo Māori hei reo whaimana. E whakatairanga ana mātou i te reo hei hanga māori noa ki te whakawhiti whakaaro, hei reo mauriora hoki mō ngāi Aotearoa katoa.
E hiahia ana Te Taura Whiri ki te hanga i ngā āhuatanga i Aotearoa e whakamānawa ai, e pārekareka ai hoki te reo Māori ki a ngāi Aotearoa katoa, kia noho ko te reo Māori hei wāhanga o tō tātou tuakiri ā-motu – arā, ko te reo ki ngā wāhi katoa, ki ngā huarahi katoa, i ngā rā katoa.
Whakapiri mai ki te rangaihi reo Māori, ā, kia whai wāhi mai ki te āpōpō e hiahia ana koe kia kite mō te reo Māori.
He kōrero mō te Tūranga
E kimi ana mātou i tētahi Kaitohutohu Rautaki Kōrero Mātāmua whai wheako kia uru mai ki tō mātou ohu Whakapāpātanga me ngā Mahi Whakatairanga - Te Toko Reo.
Ko Te Toko Reo te reo o te Taura Whiri - ko tā te ohu he ārahi, he whakatairanga, he tautoko, he waihanga, he whai wāhi hoki ki te huhua noa o ngā kaupapa. Tae atu rā tēnei ki ngā whakapāpātanga rautaki, te whakatū taiopenga matua, te hautū i ngā pūwhara tuihono tino pārekareka me te tūhonohono atu ki ērā atu wāhanga o Te Whare o te Reo Mauriora.
Ko tā te Kaitohutohu Mātāmua he ārahi i ngā whakapāpātanga ā-roto, ā-waho hoki. E tau ana tēnei tūranga ki tētahi kua roa e takahi ana i tōna aramahi whakapāpātanga. Waihoki, he pūkenga whakapāpātanga tukupū ōna, he ngākau whakapuke hoki tōna ki te mahi i tētahi taiao kaupapa Māori.
E whakaratoa ana tēnei tūranga hei mahi wā uka mō te ono marama.
He Kōrero Mōu
Me whai wheako whitu tau koe e mahi ana i te rāngai whakapāpātanga, i ngā tūranga ōrite rānei.
He whaitake te kōrero me te tuhi hoki i te reo Māori - ehara i te mea me mātanga, me eke rānei ki te taumata matatau, engari, me eke koe ki tua atu i te taumata pia.
Ko tāu:
- he whai kia kairangi te kounga o ō mahi, waihoki, he whai kanohi hōmiromiro
- he noho māoriori noa ki te whakaoti i ngā whakapāpātanga kounga, tika hoki, ki ngā rā kati
- he whakarato rongoā atamai, waihoki, he whai ki te whakatutuki tika i te mahi i te wā tuatahi
- i ōna wā he whakawātea i a koe anō ki te mahi i tua atu i ngā haora mahi māori, ina koa rā i Te Wiki o te Reo Māori (Mahuru 2025).
- he whai ngākau reka ki te whai wāhi ki tētahi ohu e arotahi ana ki tētahi kaupapa hei whakatutuki mā te katoa
- He whakamahi i tō wheako hei tārai rongoā ki ā mātou whakapātari whakapāpātanga weriweri ake
- He whakaako, he whakaruruhau i ētahi atu
Ko tā mātou e whakarato nei
He taiao mahi kaupapa Māori tēnei. Waihoki, he wāhi haumaru tēnei ki te whakamahi, ki te whakawhānui ake hoki i tō reo Māori.
E noho pūmau ana mātou ki te waihanga i tētahi tari kanorau, kauawhiawhi anō hoki, nō reira, mehemea e hiamo ana tōu ngākau ki tēnei tūranga, engari, kāore ō wheako e hāngai ana ki ngā tohu katoa i te whakaaturanga tūranga mahi, e akiaki tonu ana mātou i a koe kia tono tonu mai.
Mai i te $95,000 - $125,000 te whānui o te utu ā-tau, kei te āhua tonu o te nui o tō wheako, tāpiri atu ko te Poua he Oranga, me te utu tāpui reo Māori e hāngai ana ki a Whakamātauria Tō Reo.
Kia whai wāhi koe ki tēnei tūranga, me āhei koe i raro i te ture ki te mahi ki Aotearoa nei
Ki te tono mō te tūranga nei, tēnā, haere ki tō mātou paetukutuku Kaitohutohu Rautaki Kōrero Mātāmua | Principal Communications Advisor - Wellington
Mō te roanga atu o ngā kōrero e pā ana ki te tūranga nei, tēnā, tuku īmēra mai ki tō mātou tīma ki vacancy@tetaurawhiri.govt.nz
Ka kati ngā tono ā te weherua pō, 4 Haratua 2025.
About us
Normalising and revitalising te reo Māori is what Te Taura Whiri i te Reo Māori (Te Taura Whiri), the Māori Language Commission does. We put te reo Māori into action as an official language. We promote it as an ordinary means of communication and a living language for all New Zealanders.
Te Taura Whiri creates the conditions in Aotearoa for all New Zealanders to celebrate and enjoy te reo Māori as part of our national identity – everywhere, every way, and every day.
Join the Māori language movement and be part of the future you want to see for te reo Māori.
About the Role
We are looking for an experienced Principal Communications Advisor to join our Communications and Promotions team - Te Toko Reo.
Te Toko Reo is the voice of Te Taura Whiri – the team leads, promotes, supports, creates and engages across a range of kaupapa. This includes strategic communications, delivering key events, driving engaging digital platforms and connecting across Te Whare o te Reo Mauriora.
The Principal Communications Advisor would lead the delivery of internal and external communications. This role would suit someone well established in their communications career, with wide-ranging generalist communications skills, and who is keen to work in a kaupapa Māori environment.
This role is offered on a fixed term basis for six months.
About You
You’ll have at least seven years of experience working in communications or similar roles.
Speaking and writing in te reo Māori is essential for this role – you do not have to be expert or fluent level, but you need to be more than a beginner.
You will:
- take pride in your work and have attention to detail
- enjoy working to deadlines on quality, accurate communications
- have clever solutions and want to get the job done right the first time
- occasionallly be able to work outside of normal working hours, especially during Te Wiki o te Reo Māori (September 2025).
- enjoy being part of a team focused on a kaupapa everyone is working towards
- Use your experience to shape solutions to our more gnarly communications challenges
- Coach and mentor others
What we offer
A kaupapa Māori work environment that is a safe space for you to use and expand your reo Māori.
We are dedicated to building a diverse and inclusive workplace, so if you are excited about this role but your experience does not align perfectly with every qualification in the job description, we encourage you to apply anyway.
Salary band $95,000 - $125,000 depending on experience plus KiwiSaver and te reo Māori allowance based on Level Finder Examination.
To be considered for this role you must have a legal right to work in New Zealand
To apply for this role, please go to our website Kaitohutohu Rautaki Kōrero Mātāmua | Principal Communications Advisor - Wellington
If you would like any more information about this role, please email our team at vacancy@tetaurawhiri.govt.nz
Applications close midnight, 4 May 2025.
Apply Now
