He Pou Tikanga - He Turanga Tuturu e Hamanga Ana

• Closing date: Dec 9, 2024
• Permanent Part Time
• Wellington

Ngā Manu Atarau

E rikarika ana mātou ki te rapu i te tangata ki tēnei tūranga mātanga e motuhake ana i roto i te tari o Ngā Manu Atarau i Te Papa. Ko tēnei tētahi o ngā Pou Tikanga e rua, ā, ka mahi tahi te tokorua kia ū te tikanga Māori ki Te Papa mā te:

• ārahi, mā te whakariterite i ngā tikanga me ngā tohutohu hei tautoko i Te Poari, te Kaihautū me te Tumu Whakarae, te Manukura o Ngā Manu Atarau hoki i Te Papa
• ārahi, mā te tautoko i ngā tikanga ki runga o Rongomaraeroa hei marae nō te motu
• ārahi me te tautoko kia ū ngā tikanga puta noa i Te Papa
• whakatū me te whakahaere i tētahi Rōpū Tohutohu Tikanga e whakanohi ana i te Mana Whenua, i te Iwi Kāinga o Te Papa hoki, ā, ka mōhio ki ngā tino pūmanawa o Te Papa kia hāpai i ngā tikanga
• whakahaere, mā te tautoko me te tūtohu i te tikanga ki Te Papa ki tā te Kaihautū me te Manukura o Ngā Manu Atarau e tono ai, e whakaae ai
• tautoko i ngā kaupapa a Te Papa e hono ana i ngā iwi, ki tā te Kaihautū, te Manukura o Ngā Manu Atarau me te Pou Awhi ā-Iwi e whakaae ai

He tau, he matatau te Pou Tikanga ki ngā āhuatanga o te ao Māori, kia pai ai tāna ārahi me te tautoko i ngā tikanga ki Te Papa, te tū ki te pae karanga me te hāpai i ngā waiata ki te taha o te pae whaikōrero. Katoa katoa ka tū ki tō tātou whare, he wāhi auaha nō te ao hurihuri e tiaki ana i ā tātou taonga, ō tātou tupuna anō hoki. Ko ngā momo pūkenga me ngā wheako o te kaitono momoho mō tēnei tūranga kei te whakamāramatanga o te tūranga kua tapirihia.

Mēnā he pūkenga koe ki te whakawhitiwhiti kōrero, reo Māori mai, reo Ingarihi mai, ā, e tau ana ki te whakamahi i aua pūmanawa ki te motu, ki te ao hoki mō tētahi o ngā tino whare ahurea hirahira o te ao, tēnā, tono mai!

Ko te takiwā o te utu ā-tau mō te tūranga o te Pou Tikanga, ka tīmata i te $154,344 atu ki te $183,283, ka ū hoki te tikanga hautanga o te utu mō tēnei tūranga hamanga.

Ka hāngai te whakapae utu ki ngā pūkenga me ngā mōhiotanga o te kaitono ki ērā o te tūranga, ki ngā tikanga hāngaitanga hoki o te utu i ētahi atu o ngā kaimahi.

Me tuku tō tono mā te tuihono, tapirihia ai tō reta whakamārama, tō tāhuhu tangata me ētahi atu tuhinga tautoko e hāngai ana. Mēnā he pātai āu, me īmēra atu ki recruitment@tepapa.govt.nz.

Ka pau te wā ki te tuku tono ā te Mane te 9 o te Tīhema o 2024. Ka whāia kia uiui i ngā kaitono i te Tīhema o 2024, ā, ko te kaitono momoho ka tīmata hei te tīmatanga o te 2025.

Me mātua āhei te kaitono ki te whai mahi i Aotearoa. I mua i te whakaū a Te Papa i te tono tūranga mahi, ka whakahaerehia ngā aroturuki mahi tae atu ki te hītori taihara, te whakapā atu ki ō kaitaunaki, me ētahi atu āhuatanga pea.

For an english translation, please follow this link: https://jobs.govt.nz/jobs/NZ-23202

• Job Description

• Share this post!